સ્મરણીય ઘટનાઓ : રામકૃષ્ણ મિશન વિવેકાનંદ મેમોરિયલ, વડોદરા : સંકલન

ડૉ. કલામની વડોદરા આશ્રમની મુલાકાત
(૩૦–૦૩–૨૦૦૮)

ભારતના ભૂતપૂર્વ રાષ્ટ્રપતિ ડૉ. એ.પી.જે. અબ્દુલ કલામે ૩૦ માર્ચ, ૨૦૦૮ના રોજ વડોદરા આશ્રમની મુલાકાત લીધી હતી. ચર્ચા દરમિયાન તેમણે જણાવ્યું કે તેઓ સ્વામી વિવેકાનંદના શક્તિશાળી સંદેશથી ખૂબ પ્રેરિત થયા છે.

માનવ અધિકાર અને ભારતના બંધારણ વિષયક સેમિનાર (૨૧–૦૬–૨૦૦૯)

૨૧ જૂન, ૨૦૦૯ના રોજ ન્યાય મંદિર હૉલમાં બરોડા બાર એસોસિયેશનના સહયોગથી એક સેમિનાર યોજાયો હતો. આ કાર્યક્રમમાં ભારતના સર્વોચ્ચ અદાલતના ભૂતપૂર્વ મુખ્ય ન્યાયાધીશ શ્રી પી. એન. ભગવતી, વડોદરાના પ્રિન્સિપલ ડિસ્ટ્રિક્ટ જજ શ્રી અતુલ વકીલ અને એમ.એસ. યુનિવર્સિટી બરોડાના વાઇસ-ચાન્સેલર ડૉ. રમેશ ગોયલે સંબોધન કર્યું હતું. અનેક વકીલોએ હાજરી આપી હતી.

ઇન્ટર–ફેથ–હારમોની માટે ઇન્ટર–ફેથ મીટ
(૧૧–૦૯–૨૦૦૯)

૧૧ સપ્ટેમ્બર, ૨૦૦૯ના રોજ એમ.એસ. યુનિવર્સિટીના આઇ.જી. પટેલ સેમિનાર હૉલમાં ‘ઇન્ટર-ફેથ-હારમોની’ વિષય પર ઇન્ટર-ફેથ મીટ યોજાઈ હતી. આ કાર્યક્રમ સ્વામી વિવેકાનંદના ૧૧ સપ્ટેમ્બર, ૧૮૯૩ના ઐતિહાસિક ભાષણની સ્મૃતિમાં યોજાયો હતો.

આ મીટના અધ્યક્ષ સ્વામી પ્રભાનંદજી મહારાજ (જનરલ સેક્રેટરી, રામકૃષ્ણ મઠ અને મિશન, બેલુર મઠ) હતા અને તેનું ઉદ્‌ઘાટન ડૉ. શાંતિલાલ સોમૈયાએ કર્યું હતું.

‘વિવેકાનંદ સેન્ટર ઑફ પોઝિટિવ થિંકિંગ એન્ડ યુથ કાઉન્સેલિંગ’ પ્રોજેક્ટનો શુભારંભ
(૧૮–૧–૨૦૧૨)

ઉપરોક્ત પ્રોજેક્ટનો શુભારંભ ૧૮મી જાન્યુઆરી, ૨૦૧૨ના રોજ ભારતના ભૂતપૂર્વ રાષ્ટ્રપતિ ડૉ.એપીજે કલામના વરદ હસ્તે મહારાજા સયાજીરાવ યુનિવર્સિટીના સીસી મહેતા ઓડિટોરિયમમાં કરવામાંં આવ્યો હતો. ડૉ. એપીજે કલામે અત્યંત પ્રેરણાદાયી પ્રવચન આપ્યું હતું અને યુવાવર્ગ દ્વારા પુછાયેલા પ્રશ્નોના ઉત્તરો આપ્યા હતા. લગભગ ૭૦૦ યુવા ભાઈ-બહેનોએ આ કાર્યક્રમમાં ઉત્સાહપૂર્વક ભાગ લીધો હતો.

ઇન્ટરનેશનલ યુથ કોન્ફરન્સ, વડોદરા (૧૦–૧૧ ઓગસ્ટ, ૨૦૧૩)

૧૦ અને ૧૧ ઓગસ્ટ, ૨૦૧૩ના રોજ એમ.એસ. યુનિવર્સિટીના સી.સી. મહેતા ઑડિટોરિયમમાં ઇન્ટરનેશનલ યુથ કોન્ફરન્સ યોજાઈ હતી. આ કોન્ફરન્સનું ઉદ્‌ઘાટન ગુજરાત સરકારના નાણાં મંત્રી શ્રી નિતિનભાઈ પટેલે કર્યું હતું. રામકૃષ્ણ સંઘના મહાસચિવ સ્વામી સુહિતાનંદજી મહારાજ અતિથિવિશેષરૂપે ઉપસ્થિત હતા.

વિશેષ સત્રમાં ડૉ. એ.પી.જે. અબ્દુલ કલામે અમેરિકા, અફઘાનિસ્તાન, જર્મની, દક્ષિણ આફ્રિકા, સ્વિટ્ઝર્લેન્ડ, બાંગ્લાદેશ અને તાઈવાન વગેરે ૨૪ દેશોમાંથી આવેલાં ૬૦૦ જેટલાં ભાઈ-બહેનોને સંબોધન કર્યું. યુનેસ્કોના ડિરેક્ટર જનરલ ઇરીના બોકાવાનો સંદેશ પણ વાંચવામાં આવ્યો અને તેનો વીડિયો પ્રદર્શિત કરવામાં આવ્યો.

રામકૃષ્ણ મિશન દ્વારા યોજાયેલ સૌ પ્રથમ ઇન્ટરનેશનલ યુથ કોન્ફરન્સમાં વિવિધ ક્ષેત્રના પ્રતિષ્ઠિત વક્તાઓએ ભાષણ આપ્યાં, જેમાં રામકૃષ્ણ સંઘના ઘણા સંન્યાસીઓનો સમાવેશ થાય છે.

આ દ્વિ-દિવસીય કાર્યક્રમનું લાઇવ વેબકાસ્ટ કરવામાં આવ્યું અને મીડિયા દ્વારા વિશાળ પ્રસાર મળ્યો.

‘ગુજરાતમાં સ્વામી વિવેકાનંદ’ પુસ્તકનું
શ્રી નરેન્દ્ર મોદી દ્વારા વિમોચન (૧૧–૦૧–૨૦૧૪)

સ્વામી વિવેકાનંદના ૧૫૦મા જન્મજયંતી ઉત્સવના ભાગરૂપે ‘ગુજરાતમાં સ્વામી વિવેકાનંદ’ નામનું ગુજરાતી પુસ્તક પ્રકાશિત કરવામાં આવ્યું હતું. આ પુસ્તકનું વિમોચન તે સમયના ગુજરાતના મુખ્યમંત્રી શ્રી નરેન્દ્ર મોદી દ્વારા ૧૧ જાન્યુઆરી, ૨૦૧૪ના રોજ ગાંધીનગરમાં ગુજરાત સરકાર દ્વારા આયોજિત સમારંભમાં કરવામાં આવ્યું હતું, જે સ્વામી વિવેકાનંદના ૧૫૦મા જન્મજયંતીના બે વર્ષીય ઉજવણીના સમાપન પ્રસંગે યોજાયો હતો.

આ કાર્યક્રમમાં અનેક મંત્રીઓ અને પ્રતિષ્ઠિત મહાનુભાવો હાજર રહ્યા હતા તેમજ દેશ-વિદેશનાં લગભગ ૫૦૦૦ યુવા ભાઈ-બહેનો હાજર રહ્યાં હતાં. ગુજરાત સરકારે આ પુસ્તકની એક લાખ પ્રતોનું વિતરણ કર્યું હતું.

પ્રી–પાર્લામેન્ટ ઇવેન્ટ, વડોદરા (૦૯–૦૮–૨૦૧૫)

વડોદરામાં યોજાયેલા આ એક દિવસીય કાર્યક્રમનું ઉદ્‌ઘાટન પ્રખ્યાત વિદ્વાન અને રાજનેતા ડૉ. કરણ સિંહ દ્વારા કરવામાં આવ્યું હતું. આ પ્રસંગે શિકાગોની પાર્લામેન્ટ ઓફ વર્લ્ડ રિલિજન્સ કાઉન્સિલના બોર્ડ ઓફ ટ્રસ્ટીઝના અધ્યક્ષ ઈમામ અબ્દુલ માલિક મુજાહિદ, લંડનના પ્રખ્યાત વિદ્વાન અને લેખક લોર્ડ ભીખુ પારેખ, રામકૃષ્ણ મઠના સિનિયર ટ્રસ્ટી તથા શ્રી રામકૃષ્ણ મઠ, ચેન્નાઈના અધ્યક્ષ સ્વામી ગૌતમાનંદજી તેમજ અન્ય પ્રતિષ્ઠિત મહાનુભાવો ઉપસ્થિત રહ્યા હતા. આ કાર્યક્રમમાં વિવિધ ધર્મોના આશરે ૭૦૦ પ્રતિનિધિઓએ ભાગ લીધો હતો.

ઇન્ટરનેશનલ યુથ કોન્ફરન્સ, વડોદરા
(૧૦–૧૧ ઓગસ્ટ, ૨૦૧૫)

૧૦ અને ૧૧ ઑગસ્ટ, ૨૦૧૫ના રોજ યોજાયેલી બીજી ઇન્ટરનેશનલ યુથ કોન્ફરન્સમાં ભારત સહિત ૧૩ દેશોમાંથી આવેલા યુવા પ્રતિનિધિઓએ ભાગ લીધો હતો. આ બે દિવસીય પરિષદનું ઉદ્‌ઘાટન ગુજરાતના રાજ્યપાલ શ્રી ઓ.પી. કોહલી દ્વારા કરવામાં આવ્યું હતું. આ કોન્ફરન્સમાં આશરે ૭૦૦ જેટલા યુવા પ્રતિનિધિઓ હાજર રહ્યા હતા.

રાષ્ટ્રીય યુવા સંમેલન ૨૦૧૬, વડોદરા
(૩ થી ૫ જુલાઈ, ૨૦૧૬)

આ સંમેલનનું ઉદ્‌ઘાટન ૩ જુલાઈના રોજ સવારે ૧૦:૩૦ વાગ્યે વડોદરાના એમ.એસ. યુનિવર્સિટી કેમ્પસ ખાતે પ્રોફ. સી.સી. મહેતા ઓડિટોરિયમમાં એમ.એસ. યુનિવર્સિટીનાં કુલપતિ શ્રીમતી શુભાંગિની દેવી ગાયકવાડ દ્વારા કરવામાં આવ્યું હતું.

કાર્યક્રમની અધ્યક્ષતા ગુજરાત સરકારના તત્કાલીન શિક્ષણ મંત્રી શ્રી ભુપેન્દ્રસિંહ ચુડાસમાએ કરી હતી. સમાપન સમારંભની અધ્યક્ષતા ભારત સરકારના યુવા કાર્ય અને રમતગમત મંત્રાલયના સચિવ શ્રી રાજીવ ગુપ્તાએ કરી હતી. આ સંમેલનમાં ભારતના ૧૫ રાજ્યોમાંથી આશરે ૬૦૦ યુવા ભાઈ-બહેનો જોડાયાં હતાં.

રાજ્યસ્તરીય યુવા કાર્યક્રમ – Love India
(૧૧–૧૧–૨૦૧૭)

સિસ્ટર નિવેદિતાની ૧૫૦મી જન્મજયંતીની ઉજવણીના ભાગરૂપે ૧૧ નવેમ્બર, ૨૦૧૭ના રોજ સવારે ૯.૦૦ થી સાંજે ૫.૦૦ વાગ્યા સુધી ‘લવ ઇન્ડિયા’ વિષય પર રાજ્યસ્તરીય યુવા કાર્યક્રમ યોજાયો હતો.

આ યુવા સંમેલનનું ઉદ્‌ઘાટન ગુજરાત ડિરેક્ટોરેટના એનસીસીના એડિશનલ ડિરેક્ટર જનરલ મેજર જનરલ ડૉ. સુભાષ શરણ દ્વારા કરવામાં આવ્યું હતું. કાર્યક્રમનું વિશેષ આકર્ષણ ગુજરાતના સાત શહીદોના પરિવારજનોનું સન્માન હતું.

સ્વામી વિવેકાનંદના ૧૫૦મા જન્મજયંતી ઉત્સવના ભાગરૂપે નીચે મુજબના કાર્યક્રમો પણ યોજાયા હતા:

ઇન્ટરફેથ હારમોની વિષયક સેમિનાર

૨૭ માર્ચ, ૨૦૧૧ના રોજ “વૈશ્વિક સભ્યતા માટે ઇન્ટરફેથ હારમોની” વિષય પર સેમિનાર યોજાયો હતો.

મોનો એક્ટ નાટક

૪ જુલાઈ, ૨૦૧૧ના રોજ વડોદરામાં શ્રી શેખર સેન દ્વારા સ્વામી વિવેકાનંદના જીવન પર આધારિત મોનો એક્ટ નાટક રજૂ કરવામાં આવ્યું હતું.

સ્વામી વિવેકાનંદના જીવન પર લેસર શો

૨ જાન્યુઆરી, ૨૦૧૩ના રોજ યુએસએ સ્થિત શ્રી માણિક સરકાર (પ્રસિદ્ધ જાદુગર શ્રી પી.સી. સરકારના પુત્ર) દ્વારા સ્વામી વિવેકાનંદના જીવન પર આધારિત અનોખો લેસર શો યોજાયો હતો.

રાજ્યસ્તરીય યુવા સંમેલન

૨૪ માર્ચ, ૨૦૧૩ના રોજ રાજ્યસ્તરીય યુવા સંમેલન યોજાયું હતું, જેમાં સમગ્ર ગુજરાતમાંથી પસંદ કરાયેલા આશરે ૧૧૦૦ યુવાનો જોડાયા હતા.

રાજ્યસ્તરીય નિબંધ સ્પર્ધા

“આધુનિક યુવાનોની સમસ્યાઓ અને સ્વામી વિવેકાનંદ” વિષય પર કોલેજના વિદ્યાર્થી ભાઈ-બહેનો માટે રાજ્યસ્તરીય નિબંધ સ્પર્ધા યોજાઈ હતી. ૨૦૧૧ થી ૨૦૧૩ દરમિયાન ગુજરાતની આશરે ૨૮૮ કોલેજોના કુલ ૨૧૦૨ વિદ્યાર્થી ભાઈ-બહેનોએ તેમાં ભાગ લીધો હતો.

આદિવાસી અને લોક સંસ્કૃતિ પર પ્રાદેશિક પરિષદ

૧ અને ૨ ડિસેમ્બર, ૨૦૧૩ના રોજ વડોદરા કેન્દ્ર દ્વારા આદિવાસી અને લોક સંસ્કૃતિ વિષયક પ્રાદેશિક પરિષદ યોજાઈ હતી, જેમાં ગુજરાત અને પાસેનાં રાજ્યોનાં લગભગ ૧૦૦૦ યુવા ભાઈ-બહેનોએ ભાગ લીધો હતો. અનેક સુપ્રસિદ્ધ કલાકારોએ કાર્યક્રમને રસપ્રદ બનાવ્યો હતો.

વિવેક એક્સપ્રેસ રેલવે ટ્રેન

વિવેક એક્સપ્રેસના વડોદરા પ્રવાસ દરમિયાન સ્વામી વિવેકાનંદના જીવન અને સંદેશ પર આધારિત (ગુજરાતી અનુવાદ સાથે) એક વિશેષ પ્રદર્શન તથા પુસ્તક સ્ટોલનું આયોજન કરવામાં આવ્યું હતું. વડોદરા, આનંદ અને અમદાવાદ રેલવે સ્ટેશનો પર ઉદ્‌ઘાટન સમારંભો પણ યોજાયા હતા. અંતરાયરૂપ વરસાદ છતાં, ૮ દિવસ દરમિયાન ત્રણેય સ્ટેશનો પર કુલ મળીને આશરે ૪૫,૦૦૦ લોકોએ ટ્રેનની મુલાકાત લીધી હતી અને સાહિત્યનું કુલ વેચાણ અંદાજે ચાર લાખ રૂપિયા થયું હતું.

ઈલેક્ટ્રોનિક મીડિયા દ્વારા પ્રસારણ

ડી.ડી. ગિરનાર (દૂરદર્શન, અમદાવાદ) ચેનલ પર રામકૃષ્ણ મિશન વિવેકાનંદ મેમોરિયલ, વડોદરાના સહયોગથી સ્વામી વિવેકાનંદના જીવન, તેમના પ્રવાસો અને ગુજરાતમાં નિવાસ અંગે ગુજરાતીમાં ૧૫ લાઈવ કાર્યક્રમો પ્રસારિત થયા હતા. તદુપરાંત, ‘હેલો ગિરનાર’ કાર્યક્રમ હેઠળ સ્વામી વિવેકાનંદના સંદેશ અને ઉપદેશ પર આધારિત ૫ લાઈવ ટેલિફોનિક પ્રશ્નોત્તરી કાર્યક્રમો પણ પ્રસારિત થયા હતા, જેના દ્વારા હજારો લોકો લાભાન્વિત થયા હતા.

સેટેલાઇટ દ્વારા મૂલ્ય શિક્ષણ

ગુજરાત સરકારના ઉચ્ચ શિક્ષણ કમિશનર સાથેના સહયોગથી ‘સંધાન’ કાર્યક્રમ અંતર્ગત પ્રિન્સિપાલ, શિક્ષકો અને વિદ્યાર્થીઓ માટે સેટેલાઇટ (BISAG) માધ્યમથી મૂલ્ય શિક્ષણના અનેક કાર્યક્રમો બે વર્ષ સુધી યોજાયા હતા, જેના દ્વારા હજારો લોકોને લાભ મળ્યો હતો.

રથયાત્રા

વડોદરા કેન્દ્ર દ્વારા ૧૨ જાન્યુઆરી, ૨૦૧૪ થી ૧૨ માર્ચ, ૨૦૧૪ દરમિયાન યોજાયેલી સ્વામી વિવેકાનંદ ગુજરાત રથયાત્રાના પ્રથમ તબક્કાનું સંકલન કરવામાં આવ્યું હતું. આ યાત્રાનું આયોજન ગુજરાત રામકૃષ્ણ-વિવેકાનંદ ભાવ પ્રચાર પરિષદ તથા સંસ્થાનાં ચાર સંલગ્ન કેન્દ્રો દ્વારા સંયુક્ત રીતે કરવામાં આવ્યું હતું.

નાટક – ‘યુગનાયક વિવેકાનંદ’

ડૉ. વિક્રમ એકેડેમી ઓફ પરફોર્મિંગ આર્ટ્સ, અમદાવાદ દ્વારા નિર્મિત સ્વામી વિવેકાનંદના જીવન પર આધારિત ગુજરાતી નાટક ‘યુગનાયક વિવેકાનંદ’નું આયોજન ૫ માર્ચ, ૨૦૧૪ના રોજ કરવામાં આવ્યું હતું.

વડોદરા રેલવે સ્ટેશન પર પુસ્તક સ્ટોલ

વડોદરા રેલવે સ્ટેશનના પ્લેટફોર્મ નંબર ૧ પર સ્થાયી પુસ્તક સ્ટોલનું ઉદ્‌ઘાટન ૬ ઑગસ્ટ, ૨૦૧૧ના રોજ પશ્ચિમ રેલવેના વડોદરા વિભાગના ડિવિઝનલ રેલવે મેનેજર શ્રી એ.કે. શ્રીવાસ્તવ દ્વારા કરવામાં આવ્યું હતું.