તું શુભંકરી, શિવંકરી,
ક્ષેમંકરી મા શારદે!
ચરણેર તવ ઐશ્વર્ય સર્વ
ભર્યું પડ્યું સર્વદે!
અખિલેશ્વરી, આનંદેશ્વરી,
અમૃતેશ્વરી તું મા,
અજ્ઞાન હરતી, જ્ઞાન ભરતી
જગતતારિણી તું મા,
ચરણે તુ જ કલ્યાણ બધું જ
આવી વસ્યું નર્મદે!
તું વીણા વાદિની, ચિતિદાયિની,
મહેશ્વરી તું મા,
વિશ્વેશ્વરી, વિશુદ્ધકારિણી,
તું વિશ્વંભરી જ મા,
ચરણે તારે સકલ ચેતન
વસી રહ્યું હે શારદે!
તું શુભંકરી, શિવંકરી,
ક્ષેમંકરી મા શારદે!
– પીયૂષ પંડ્યા ‘જ્યોતિ’
Total Views: 160
Your Content Goes Here
